الاثنين، 22 يونيو، 2015

سؤال رمضاني تفكيري مستقبلي من الزوج

أنسألت اليوم: بعد عشرين سنة فين اشوف نفسي؟

لقيت نفسي بأجاوب باسترسال و بأحط خطط لحظية في وقتها
بعد عشرين سنة يعني حأكون 47 سنة عمري

قلت حأكون محافظة على رشاقتي وجمالي وشعري
حيكون عندي من اربعة الى خمسة اطفال
حيكون عندي ارض وأبني عليها مشغل نسائي بثيم معين مافكرت فيه
حيكون عندي معرض لأعمالي اليدوية
حيكون عندي كتابين
كتاب عن كل مشكلة واجهتني مع اطفالي وكيف اتعاملت معاها
وكتاب based on  إقتراح لأنشطة النوادي عن رياضة المرأة الحامل
وممكن كمان يكون النادي attached في نفس المشغل حقي
حأكون يا بأحضر للدكتوراه في الفاينانس يا بأدرس الموضوع

ممكن احققها كلها وممكن بعضها وممكن اموت وماحققت شي
بس أؤمن بربي وبقدراتي

اللهم اكتب لي الخير

الخميس، 11 يونيو، 2015

بعد إنقطاع

السلام عليكم ورحمة الله وبركاته
 
الشباب
 
استغلال, أفكار للأبد, إنجاز, سماااااااااااااء عالية و صحة
 
حابة اسوي كل شي في الحياة .. كل الهوايات أحبها
 
حاليا طايحة في ال cross stitch
 
حابته جدا و للاسف مو منتشر في الوطن العربي و أتمنى انه يكون في كل بيت
 
هو فن , يعلم الصبر, يشغل الوقت الفاضي
 
بدأته و يارب تباركلي في وقتي
 
و بإذن الله كل شغل انجزه راح انزله ببترونه
 
والله الموفق
 
 

الخميس، 23 مايو، 2013

كيكة الجزر والقرفة

السلام عليكم ورحمة الله وبركاته



اليكم كيكتي الجزر 



اممم حسيتها صامتة حتى بعد ما حطيت عليها السيروب 

سوووو... 
^
^




برضو الصحن دا بغطاه من روائع المكتبات في الخبر 

كوب كيك بمناسبة زيارة ميساء عالجبيل

السلام عليكم و رحمة الله و بركاته


جات ميساء من المدينة عالجبيل و الاتنينة عندي و سويت حلى ظريف

cup cake with m&ms and a lil bit of my touch ;)




الصحن الجميل دا من روائع المكتبات في الخبر ... اوخ ما قدرت اقاومو 






و دا لصالون الرجال 




بالعافية علينا ...

برجــــر كمان .. و كمان... و كمان ...

السلام عليكم و رحمة الله و بركاته

ماطفشتو من البرجر ؟؟

أنا طفشت خخخ

أدمنا البرجر في البيت و أتفنن فيه زوجي المصون 

هنا سويناه مرة تانية و بالخطوات صورناه 

^
^
أتــّبــّـلت اللحمة من بدري و أرتاحتلها كم ساعة و بدينا الشوي






waiting ..... 





و بالعااااااااااااااااااافية علينا



كل مرة يطلع ألز من إللي قبلها تسلم الايادي 

و إللي يبغا يدوق يجي عندنا .. لا يوجد لدينا تيك آوت ;)

الأربعاء، 22 مايو، 2013

خمير يمني

السلام عليكم و رحمة الله و بركاته

نوف اعطتني طريقة الخمير 

و نفزتها بالمللي ... و لكن !!!
--------------------------------------



نبدأ؟


العجينة 




قسمتها قسمين .. شي قليتو و شي في الفرن 


-------------------------------------------------

و دا إللي طلع معايا في الفرن  >>>>>>







اممم عايدي طلع طعمو زي الكوكيز بس ناشف شوية


بس هوا اصوله اصلا القلي 

و أثناء القلي بينفش بس لمن اشيلو من الزيت يهبط... مني عارفة اش السبب 

بس الطعم و الريحة نفسهااا حقت خالة احم .... باقي اشتغل عالشكل الصحيح و ان شالله اعرف فين العلة و نزبطها المرة الجية



المهم دا المقلي >>>>

طبعا مع الجبن كاسات ألممممم 


تفكها ... تعبيها جبنة ... تلتهمهااااا



و دي طلعت حجم عائلي خخخ




ان شاء الله اعرف السر الحقيقي للنفشة و انفشها المرة الجية

الاثنين، 20 مايو، 2013

شكرا ي أنس ي حارثي

السلام عليكم و رحمة الله و بركاته

رحنا في رمضان عند أنس و دقنا عندو شي جونااااان و أكتشفنا انو الشي دا كان من اختراعو 

و طبعا حبينا نجربو 

اوه ماي قود طلع يجنن 

نبدأ بسم الله 


قطعنا الدجاج و البصل و الجزر و الفلفل الرومي




طبخنا الطبخة " طبعا السر في البهارات" و جبنا التورتيلا و دهناها فيلاديلفيا و حطينا الحشوة 




رصناها في الصينية و عليها الجبنة و الكريمة و في الفرن 
و دا الناتج اليمي




زوووم لزوم التحنيييس و كدا




ساويت صينيتين و رسلت وحدة لرانيا و زوجها .... و الظاهر انها مرة عجبتهم لانو الصحن انمسح الصلاة ع النبي

 و بالعااااااااااااااااااااااااااافية